Декларация Барановичский горисполком бн 04.06.2016 Сумеснае камюніке аб устанаўленні дыпламатычных адносін паміж Рэспублікай Беларусь і Федэрацыяй Сэнт-Кітс і Нэвіс

Сумеснае камюніке аб устанаўленні дыпламатычных адносін паміж Рэспублікай Беларусь і Федэрацыяй Сэнт-Кітс і Нэвіс

Уступіла ў сілу 4 чэрвеня 2016 года

Рэспубліка Беларусь і Федэрацыя Сэнт-Кітс і Нэвіс, кіруючыся інтарэсамі двух народаў, а таксама мэтамі ўмацавання духу ўзаемаразумення і развіцця адносін дружбы і супрацоўніцтва, вырашылі ўстанавіць дыпламатычныя адносіны з даты падпісання гэтага Сумеснага камюніке.

Абедзве краіны дамовіліся развіваць дыпламатычныя адносіны ў адпаведнасці з палажэннямі Венскай канвенцыі аб дыпламатычных зносінах ад 18 красавіка 1961 года і згодна з прынцыпамі міжнароднага права.

Абедзве краіны выказваюць упэўненасць у тым, што гэта Сумеснае камюніке будзе садзейнічаць развіццю ўзаемавыгаднага гандлю, пашырэнню сацыяльных, эканамічных, культурных і іншых сувязяў у інтарэсах умацавання міру і міжнароднага супрацоўніцтва ў адносінах паміж дзяржавамі ў адпаведнасці з прынцыпамі міжнароднага права, у прыватнасці раўнапраўнасці дзяржаў, узаемнай павагі да суверэнітэту, незалежнасці, тэрытарыяльнай цэласнасці, самавызначэння народаў, неўмяшання ва ўнутраныя справы іншых дзяржаў, а таксама павагі да абавязацельстваў, якія вынікаюць з міжнародных дагавораў.

Здзейснена ў Гаване 4 чэрвеня 2016 года ў двух экзэмплярах, кожны на беларускай і англійскай мовах, прычым абодва тэксты маюць аднолькавую сілу.

За Рэспубліку Беларусь      За Федэрацыю Сэнт-Кітс і Нэвіс Я.П. Сп. Яўген Шэстакоў                Я.П. Сп. Марк Брэнтлі

Намеснік Міністра   Міністр замежных спраў

замежных спраў       Федэрацыі Сэнт-Кітс

Рэспублікі Беларусь            і Нэвіс