Соглашение Барановичский горисполком бн 20.04.2016 Пагадненне паміж Рэспублікай Беларусь і Эстонскай Рэспублікай аб некаторых аспектах уезду, знаходжання і выезду асоб

Пагадненне паміж Рэспублікай Беларусь і Эстонскай Рэспублікай аб некаторых аспектах уезду, знаходжання і выезду асоб*

* Ратыфікавана  Законам  Рэспублікі  Беларусь  ад  18  кастрычніка  2016  года  «Аб  ратыфікацыі Пагаднення паміж Рэспублікай Беларусь і Эстонскай Рэспублікай аб некаторых аспектах уезду, знаходжання і выезду асоб».

Рэспубліка Беларусь і Эстонская Рэспубліка, якія далей называюцца Бакамі, у мэтах далейшага ўмацавання беларуска-эстонскіх зносін,

жадаючы стварыць спрыяльныя ўмовы для знаходжання грамадзян аднаго Боку на тэрыторыі другога Боку,

пагадзіліся аб ніжэйпададзеным:

Артыкул 1

1.Дадзенае Пагадненне адносіцца да пытанняў уезду, знаходжання і выезду асоб, маючых законныя падставы для знаходжання на тэрыторыі другога Боку.

2.Дадзенае Пагадненне будзе ўжывацца ў частцы, не ўрэгуляванай Кодэксам Супольнасці аб рэжыме перасячэння людзьмі межаў (Шэнгенскі кодэкс аб межах), зацверджаным  Рэгламентам  (ЕС)  № 526/2006   Еўрапейскага   парламента   і   Савета ад 11 сакавіка 2006 года.

Артыкул 2

1.Дыпламатычныя прадстаўніцтвы і консульскія ўстановы Эстонскай Рэспублікі выдаюць грамадзянам Рэспублікі Беларусь і асобам без грамадзянства, якія пражываюць на тэрыторыі Рэспублікі Беларусь, кароткатэрміновыя візы на падставах, прадугледжаных Кодэксам   Супольнасці   аб   візах   (Візавы   кодэкс),   зацверджаным   Рэгламентам   (ЕС)

№ 10/2009 Еўрапейскага парламента і Савета ад 13 ліпеня 2009 года.

2.Дыпламатычныя прадстаўніцтвы і консульскія ўстановы Рэспублікі Беларусь выдаюць грамадзянам Эстонскай Рэспублікі і асобам з нявызначаным грамадзянствам, дакументаваным пашпартам неграмадзяніна Эстонскай Рэспублікі, якія пражываюць на тэрыторыі Эстонскай Рэспублікі, візы, якія даюць права знаходзіцца на тэрыторыі Рэспублікі Беларусь да 180 дзён на працягу года, але не больш за 90 дзён на працягу паўгода, з даты першага ўезду.

Артыкул 3

1.Грамадзяне Рэспублікі Беларусь і асобы без грамадзянства, якія пражываюць на тэрыторыі Рэспублікі Беларусь, не абавязаны рэгістраваць сваё знаходжанне на тэрыторыі Эстонскай Рэспублікі ў выпадку наведвання Эстонскай Рэспублікі па візе.

2.Грамадзяне Эстонскай Рэспублікі і асобы з нявызначаным грамадзянствам, дакументаваныя пашпартам неграмадзяніна Эстонскай Рэспублікі, якія пражываюць на тэрыторыі Эстонскай Рэспублікі, вызваляюцца ад неабходнасці рэгістрацыі на тэрыторыі Рэспублікі Беларусь на перыяд знаходжання да 30 дзён з даты ўезду пры наяўнасці міграцыйнай карты, належным чынам аформленай пры ўездзе ў Рэспубліку Беларусь.

Артыкул 4

1.Грамадзяне Рэспублікі Беларусь і асобы без грамадзянства, якія пражываюць на тэрыторыі Рэспублікі Беларусь, у выпадку страты дакументаў, прызначаных для выезду за мяжу,  пакідаюць  тэрыторыю  Эстонскай  Рэспублікі  без  выязной  візы  на  падставе сапраўднага пасведчання на вяртанне ў Рэспубліку Беларусь.