Декларация Барановичский горисполком бн 27.04.2016 Сумеснае камюніке аб устанаўленні дыпламатычных адносінаў паміж Рэспублікай Беларусь і Рэспублікай Ліберыя

Сумеснае камюніке аб устанаўленні дыпламатычных адносінаў паміж Рэспублікай Беларусь і Рэспублікай Ліберыя

Уступіла ў сілу 27 красавіка 2016 года

Рэспубліка Беларусь і Рэспубліка Ліберыя,

жадаючы развіваць і ўмацоўваць дружалюбныя адносіны і супрацоўніцтва паміж дзвюма дзяржавамі і народамі на аснове роўнасці, узаемнай павагі да суверэнітэту, незалежнасці і тэрытарыяльнай цэласнасці, а таксама неўмяшання ва ўнутраныя справы дзяржаў,

кіруючыся мэтамі і прынцыпамі Статута Арганізацыі Аб’яднаных Нацый, палажэннямі Венскай канвенцыі аб дыпламатычных зносінах ад 18 красавіка 1961 года і Венскай канвенцыі аб консульскіх зносінах ад 24 красавіка 1963 года,

дамовіліся ўстанавіць дыпламатычныя адносіны паміж Рэспублікай Беларусь і Рэспублікай Ліберыя з даты падпісання гэтага Сумеснага камюніке.

У сведчанне гэтага належным чынам упаўнаважаныя прадстаўнікі падпісалі гэтае Сумеснае камюніке.

Здзейснена ў Нью-Ёрку 27 красавіка 2016 года ў двух экземплярах, кожны на беларускай і англійскай мовах, прычым абодва тэксты з’яўляюцца роўна аўтэнтычнымі.

За Рэспубліку Беларусь

Яго Экселенцыя Андрэй Дапкюнас Надзвычайны і Паўнамоцны Пасол Пастаянны прадстаўнік Рэспублікі Беларусь пры Арганізацыі Аб’яднаных Нацый

За Рэспубліку Ліберыя

Спадар Джордж С.В.Паттэн, ст. Часовы павераны ў справах

Рэспублікі Ліберыя

пры Арганізацыі Аб’яднаных Нацый